Diego Rúa
Diego Rúa Ferro é un tatuador nado en Santiago de Compostela no ano 1987. O seu interese por esta disciplina comezou cando era un adolescente pois ía aforrando cartos para cubrir a súa pel ca tinta. Así, tamén podía observar dende máis preto como era aquela profesión á que quería adicarse; vía como se desenrolaba ese traballo de maneira profesional para algún día introducirse neste mundo.
A diferencia doutras labores, Diego pensa que segue a ser unha profesión de gremio. Neste sentido quere facer referencia á necesidade de como un aprendiz ten un mestre que che guíe e te ensine como levar a cabo esta manifestación. Unha vez pasada esta fase, segue existindo un proceso de aprendizaxe, pero xa de maneira autodidacta. Así foi como aprendeu Diego, a maiores de diversas viaxes e experiencias a nivel nacional e internacional con outros tatuadores.
Este tatuador comezou acudindo a diversas convencións, pero remarca especialmente a súa aprendizaxe como cliente. Diego asistía a varios estudos nos que había alguén que artísticamente lle chamase a atención, desta forma, contemplaba como era ese proceso creativo e levaba a satisfacción de ter unha peza do seu gusto no corpo.
Nestes momentos, a carreira profesional de Diego desenrólase nun estudo de tatuaxe de Santiago de Compostela.
Produción artística
Diego Rúa puxo as súas miras no mundo da tatuaxe, mais tamén gusta de experimentar ca fotografía. En canto á primeira destas disciplinas, o máis importante, dinos o artista, que é a técnica e a práctica, pois co traballo diario un comeza a sentirse máis cómodo á hora de traballar.
As tatuaxes que crea adoitan comezar cunha conversa previa co cliente para valorar as súas referencias e adaptalas ao estilo do tatuador. Pese as diversas ideas que ten a xente, hai que ter claro o modo de traballar de cada un, deste xeito, o estilo de Diego está presente por moi diferentes que sexan as obras. Fora das peticións de tatuaxes máis comerciais por parte da clientela, a temática da que gusta este artista é aquela que recolle os clásicos da tatuaxe tradicional americana. Adoitan ser en branco e negro, cunha liña moi definida e sólida máis un sombreado contrastado para conseguir que a tatuaxe se manteña prácticamente como o primeiro día.
Entre as influencias que ten Diego está a interpretación das imaxes máis icónicas da época dos anos vinte ata unha adaptación máis contemporánea. A maiores, tamén referencia ao ámbito da cartelería clásica ou a relixión.
Análise dunha obra
Sen título (2021) é unha tatuaxe feita por Diego Rúa no estudo “Nora Tattoo Compostela”. Esta obra representa unha figura feminina, concretamente fai referencia á figura da muller labrega galega.
O estilo deste artista reflíctese claramente no tratamento e a técnica ca que plasmou esta tatuaxe cun toque clásico, en branco e negro. Primeiramente valorou a zona a tatuar para así deseñar e ter un concepto claro do que quería plasmar. Este tipo de traballos están feitos a man dende o inicio con lapis e papel, e unha vez obtivo o deseño final pásase a unha plantilla para visualizalo na pel do cliente e facer de guía para xa, por último, comezar a tatuar.
